من فترة لاحظت, فى طريقى للشقة فى اكتوبر, ع الرصيف منحوتة كلمة الشيطان بخط كبير وطبعا كل اللى بيعدى بيدوس عليها امعانا فى اذلال الشيطان وندوس على اسمه كل يوم الصبح وباليل وبكده يكون الشخص راضى عن اداء واجباته الدينية بانه "بيمرمط اسم الشيطان ف الارض كل يوم عايزين ايه تانى!" . بعدها لاقيت كلمة الله منحوتة برده بخط كبير ,يمكن انا اللى لاحظتها متأخر,وبندوس عليها برده . فكرة ان بدوس ع كلمة الشيطان كل يوم وانا رايحة الجامعة كانت مضحكة جدا بالنسبالى ومكنتش عارفة اللى كتبها كان بيفكر ف ايه لكن لما شوفت كلمة الله انا اتخضيت جدا. هنفترض اللى كاتبها ملحد فهو شايف انه بيحقق "معتقده" بانه بيدوس على اسم ربنا كل يوم. وده بيأكد طبعا اننا شعب متدين بطبعه حتى الملحدين مننا متدينين !! بعدها بفترة شالو كلمة الله وسابونا نشبع رغابتنا ف القرب من ربنا باننا ندوس على اسم الشيطان. مش عارفة ايه اللى حصل للملحد بس واضح اننا كده اقنعاه انه يرجع للاسلام تانى!
ليست هناك تعليقات:
إرسال تعليق